ඉතිහාසය

අපගේ අතීත වාර්තාවන්ගෙන් අනාවරණය වනුයේ භූ විද්‍යා සමීක්ෂණ සහ පතල් කාර්යාංශය අවරුදු අනූවක කාල පරාසයක් පුරා විහිදෙන භූ විද්‍යා දෙපාර්තමේන්තු තුනක අනුප්‍රාප්තිකයා බවයි. ඉන් පළමුවන්න වූ‌යේ ලංඩන්හි ඉම්පිරීයල් ආයතනයේ අධ්‍යක්ෂ මහාචාර්ය ඩබ්ලියු. ආර්. ඩන්ස්ටන් මහතාගේ නිර්දේශය මත 1903 වසරේදී ස්ථාපිත කරනු ලැබූ ලංකා ඛනිජ සමීක්ෂණ ආයතනය වූ අතර එහි ප්‍රථම ප්‍රධාන ඛනිජ සමික්ෂක වූයේ ආනන්ද කෙන්ටිෂ් කුමාරස්වාමි මහතා ය. රටේ ඛනිජ සම්පත් පවත්නා ප්‍රමාණය සහ එහි ආර්ථික ඛනිජ සංවර්ධන කිරීමේ හැකියාව පරීක්ෂා කිරීම ලංකා ඛනිජ සමීක්ෂණ ආයතනයේ අරමුණ විය.

1920 වසරේදී, ලංකා ඛනිජ සමීක්ෂණ ආයතනය එහි නාමය රජයේ ඛනිජ විද්‍යාඥ දෙපාර්තමේන්තුව ලෙස වෙනස් කරනු ලැබූ අතර එය පොදු ව්‍යවහාරයේදි ඛනිජ විද්‍යා දෙපාර්තමේන්තුව ලෙස හැඳින්වුණි. අවසාන වශයෙන් 1962 වසරේදී එය භූ විද්‍යා සමීක්ෂණ දෙපාර්තමේන්තුව ලෙස නැවත නම් කරනු ලැබ භූ විද්‍යා සමීක්ෂණ සහ පතල් කාර්යාංශය ස්ථාපිත කිරිම සඳහා 1993 දී එය අහෝසි කරන තෙක් එනමින් පැවතුණි. 1903 සිට ලංකා ඛනිජ සමීක්ෂණ ආයතනය, රජයේ ඛනිජ විද්‍යාඥ දෙපාර්තමේන්තුව සහ භූ විද්‍යා සමීක්ෂණ දෙපාර්තමේන්තුව යන දෙපාර්තමේන්තුවල ප්‍රධානත්වය දරන ලද්දේ පහත අධ්‍යක්ෂවරුන් දහ හතර දෙනාය.

ආචාර්ය ආනන්ද කේ. කුමාරස්වාමි

අධ්‍යක්ෂක - MSC

1903 - 1906

ජේම්ස් පාර්සන්ස්

අධ්‍යක්ෂක - MSC

1907 - 1908

ජේ. ඒ ඩැනියෙල්

අධ්‍යක්ෂක - MSC

1909 - 1914

ජේ . ස්පෙන්සර් කෝට්ස්

අධ්‍යක්ෂක

MSC : 1919 - 1920

DGM : 1921 1934

ආචාර්ය ඩී.එන් වාඩියා

අධ්‍යක්ෂක - MSC

1936 - 1944

එල්.ජේ.ඩී. ප්‍රනාන්දු

අධ්‍යක්ෂක

DGM : 1945 - 1962

GSD : 1962 - 1971

ඩී.බී. පට්ටිආරච්චි

අධ්‍යක්ෂක - GSD

1971 - 1975

ආචාර්ය එම්.එම්.ජේ.ඩබ්ලිව්. හේරත්

අධ්‍යක්ෂක - GSD

1975 - 1976

ඩී.ජේ.ඒ.සී හපුආරච්චි

අධ්‍යක්ෂක - GSD

1976 - 1983

එල්.කේ. සෙනෙවිරත්න

අධ්‍යක්ෂක - GSD

1983 - 1985

ඩී.ඊ.ඩී.එස්. ජයවර්ධන

අධ්‍යක්ෂක - GSD

1985 - 1987

එම් ආර් ඩී ප්‍රනාන්දු

අධ්‍යක්ෂක - GSD

1987 - 1990

එන්.එස්. රණසිංහ

අධ්‍යක්ෂක - GSD

1990 - 1993

දෙපාර්තමේන්තු තුනේ ඉහත නම් සඳහන් ප්‍රධානීන් ශ්‍රී ලංකාවේ ඛනිජ සම්පත් සොයා ගැනීම හා ඒවා පිළිබඳ දත්ත ලේඛනගත කිරීමේදී පුරෝගාමි කාර්ය භාරයක් ඉටු කළ අතර වත්මනෙහි ක්‍රියාත්මක සියලු ඛනිජ පාදක කර්මාන්ත තම පැවැත්ම වෙනුවෙන් ඔවුනට ණය ගැතිය.

බලපත්‍ර නිකුත් කිරීම මගින් රටේ පතල් සහ පතල් ආශ්‍රිත ක්‍රියාකාරකම් නියාමනය කිරීමේ අතිරේක වගකිම් සහිතව භූ විද්‍යා සමීක්ෂණ දෙපාර්තමේන්තුවේ කර්තව්‍ය ඒකාබද්ධ කිරීම පිණිස 2009 අංක 66 දරන පනතින් සංශෝධිත 1993 මාර්තු 16 වැනි දින, 1992 අංක 33 දරන පතල් හා ඛනිජ ද්‍රව්‍ය පනත යන පාර්ලිමේන්තු පනත මගින් සංස්ථාපිත ආයතනයක් ලෙස භූ විද්‍යා සමීක්ෂණ සහ පතල් කාර්යාංශය ස්ථාපිත කරනු ලැබීය. වර්තමානය දක්වා භූ විද්‍යා සමීක්ෂණ සහ පතල් කාර්යාංශය ප්‍රධාන තාක්ෂණික නිලධාරීන් ලෙස අධ්‍යක්ෂවරුන් දෙදෙනෙකු සහ ප්‍රධාන විධායක නිලධාරින් ලෙස අධ්‍යක්ෂ ජනරාල්වරුන් පස් දෙනෙකු විසින් පරිපාලනය කරනු ලැබීය. එම නිලධාරීන් වනුයේ: